馮盈盈搵江嘉敏爆粗療情傷

東方日報
陳曉華(左起)、鄧卓殷及江嘉敏約埋做運動。

前港姐馮盈盈日前宣布與拍拖4年的醫生男友Martin分手,單身迎接新一年。失戀的她幸有好友相伴解愁,約了江嘉敏歎茶訴苦,江嘉敏上載合照,並留言:「朋友,係要見(口架)。朋友係你就吓我,我就吓你,你鬧吓我,我再笑吓你。唔開心嘅時候,陪你傾吓電話,食吓Tea,再大大聲爆句粗。朋友永遠都會喺對方心目中佔有一個位置。」相中見盈盈心情不錯,似乎已走出分手陰霾。

另一邊廂,江嘉敏亦約了2018年港姐冠軍陳曉華及同屆亞軍鄧卓殷去將軍澳踩單車,並拍下不少靚相。

江嘉敏陪失戀的馮盈盈High Tea,慰解寂寞的心。