馮盈盈張頴康捱剪浴室激戰白做!

東方日報
馮盈盈與張頴康的出浴戲冇得留低,唔怕另一半睇到爆血管!

前港姐馮盈盈在《解決師》中大膽演出,與人夫張頴康在浴室激咀,又啜耳又咬唇,精彩預告片睇到全城嘩嘩聲!怎料劇集播出時,相關激情戲全被刪走,白白犧牲冇仇報,二人無奈表示尊重公司決定!

馮盈盈與張頴康在無綫熱播劇《解決師》中的浴室親熱戲,早前率先在預告節目中「劇透」,成為全城熱話!二人當時均表示預告播出後,分別遭另一半詐型!一心以為犧牲有回報,怎料這場戲最終於前晚播出時「被消失」,慘遭無情刪剪,當中二人淋住水拍得辛苦的啜耳仔和咬唇戲、馮盈盈被剝衫及掃背等場口,全部冇得出街,精彩場面最終只由一幕花灑畫面交代,之後便直接播出二人的朦朧床上戲,觀眾期待落空,二人亦白白犧牲,可謂白咀一場!唯一亮點是盈盈完事後,着白恤衫露出白滑大髀!

尊重公司決定

問盈盈會否感可惜,她昨日說:「坦白講,我係平常心,反正我嘅演出你哋都睇咗。刪剪係公司決定,我絕對理解同尊重,我相信佢哋有好多方面要考慮,絕對唔可以只由一個人出發。之後仲有其他精彩場口,劇情亦更緊湊,請大家多多期待同支持啦!」而張頴康則無奈說:「公司安排,OK啦!(Cut咗浴室戲?)應該係啦!我諗你問監製好啲,因為剪接呢啲嘢,我哋演員控制唔到。」

此外,由於最近社會動盪,劇中不少敏感戲份被刪走,演警察的阿康被指成為刪戲「重災區」,對此他只低調說:「冇計,已經盡咗力做!」

劇集播出時冇晒前戲,馮盈盈與張頴康直接上床!