馮盈盈冇王管「下身失蹤」

東方日報
馮盈盈

藝人馮盈盈以「下身失蹤裝」出席公開活動,打趣指正尋求突破「重新上架」,又語帶雙關表示想在加拿大置業「開拓市場」。

馮盈盈、戴祖儀及陸浩明等,昨午於電視城出席《#溫哥華後生仔傾吓偈》記者會,盈盈穿超短褲配長衞衣現身,相當吸睛,她笑說:「呢個係韓國依家最興嘅『下身失蹤』,我重新上架、back to the market嘛,所以想試啲未試過嘅打扮。」

溫哥華搵筍盤

談到月前在溫哥華拍攝節目,她說:「搞到我好想喺當地買樓,事關香港嗰層冇咗嘛(指舊愛巢)!」她又意有所指補充:「想試吓唔同嘅Market。(唔再同人夾份買樓?)短期內都唔會有其他人個名。(層愛巢點算?)我哋仲喺度從長計議緊,大方向有o架喇,遲啲同大家分享。」

搵師傅問姻緣

至於戴祖儀剛從洛杉磯旅遊返港,她透露於主題樂園倒數迎新年,問到是否與男友同行?她急忙澄清:「冇拍拖,同屋企人去嘅,我都諗緊搵師傅問吓幾時有拖拍。(想拍拖?)見到咁多朋友喺社交平台放閃,嚟緊師姐何雁詩結婚,不過我出道咗年半,都應該畀心機做嘢先。(介意同圈中人拍拖?)之前都有諗最好唔好,不過世事無常。」

再追問她與羅天宇的感情發展,她說:「上次畀記者影到,我哋都冇再去街喇!不過有電話短訊,祝吓大家新年快樂咁,友誼唔會因為咁而斷嘅。(點解唔試吓同佢拍拖?)佢啲前度太完美喇!講到拍拖我都好後知後覺,要對方出聲先知,不過我真係完全感覺唔到佢想追我。」

以「下身失蹤裝」上陣的盈盈自揭有着褲,搞到陸浩明即刻掩面!
戴祖儀急忙澄清冇拍拖!