馬蹄露幫香港警察拍短片 呼籲市民提防網上口罩騙案

「香港警察」專頁短片截圖

「愛國愛港」藝人馬蹄露多次喺社交網站發表撐警言論,上年10月佢喺旺角示威現場偷拍示威者及與示威者發生衝突,而被噴紅油及整傷頭部而要縫11針。經此一役,馬蹄露獲《人民日報》高度表揚,唔少中國內地網民亦讚揚佢嘅行為。

近日香港警察仲搵佢拍宣傳片,而短片今日喺社交網站發布。片中著住運動衫嘅馬蹄露與新界北總區防止罪案辦公室副主任許詠欣,提供網購口罩嘅tips,及呼籲市民提防網上口罩騙案,仲溫馨「蹄」示大家「網購口罩要小心」。