馬浚偉執導筒唔准顧美華NG?

東方日報
馬浚偉(右起)、顧美華、余香凝及黃定謙為新片宣傳。

藝人馬浚偉、顧美華、余香凝及黃定謙昨日現身電台宣傳由舞台劇改編的電影,其中顧美華為了配合宣傳,特地由歐洲趕返港。馬浚偉透露片中與余香凝有感情線,但結局留白,讓觀眾思考,又指繼舞台劇後再跟顧美華續「母子情」,感覺更親切:「佢成日投訴我唔畀佢NG,其實係佢唔使NG,嗰日喺天台拍咗一場對手戲,佢可以將三頁紙一字不漏咁講完,仲要係一Take過,唔使驚OT冇錢畀,幾乎每日都早收。」

黃定謙則讚導演馬浚偉好錫演員:「有場打戲係佢要爆我,我都着晒啲墊,叫佢真打,但佢話好易會打傷我,就叫咗替身拍。」馬浚偉即說:「可能自己都係演員出身,難免會偏心演員。今次我做埋導演,睇位、Set燈又演埋,連嗌Cut都係我,冇人敢嗌,都係一次難忘經歷。」