馬國明認花心拒學心穎紋身

東方日報
馬國明希望外界對黃心穎改觀。

馬國明舊愛黃心穎近日被發現腳部紋上玫瑰花紋身,昨日馬國明出席活動時自認花心,不會學舊愛紋身:「驚今日紋咗,聽日唔鍾意要剷咗佢。」並處處維護女方,希望大家對她改觀。

馬國明、岑麗香、商天娥及吳業坤等,昨日於將軍澳電視城為新劇《BB大晒》進行拜神儀式。提到舊愛黃心穎腳上紋了玫瑰花紋身,馬國明笑言:「我唔知喎,佢自己鍾意同埋開心就得,唔可以代表佢發言。不過我就唔會紋身,因為我好花心,驚今日紋咗,聽日唔鍾意要剷咗佢。」對於心穎無意轉行,等待復出機會,他說:「我支持佢,每個朋友都想佢好,呢啲等公司安排。有好多嘢唔使睇得太重,唔好一樣嘢就抹殺晒人哋咁多年嘅努力,希望佢繼續努力,大家會對佢改觀。」

岑麗香怕背中文

提到最近被指介入唐詩詠與陳思銘的戀情,更令女方懷孕,令他大動肝火,他說:「其實唔係好憤怒,可能隔住個電話回應有咁嘅錯覺,不過都清清楚楚講番件事。唔想喺詩詠同個男仔之間有我個名,真係唔知佢哋係咩關係,好抗拒人哋寫我係第三者!」續指「詩詠大肚」的新聞太假,不值一提。

他表示於新劇專一,娶得文青女神岑麗香:「戲內就專一,戲外就唔知喇,係男人都花心,諗吓都好!」至於產後首次拍劇的岑麗香表示:「好有新鮮感,最大壓力係背中文,試過將一家三口講咗『一三家口』,哈哈。」

吳業坤冇大冇細?

另外,吳業坤於活動上竟叫商天娥做「天娥」,眾星即時起哄,令吳業坤尷尬不已,不過商天娥笑言不介意:「我老公都唔會咁叫我,可能佢覺得『娥姐』多人叫,叫『天娥』特別啲,真係畀佢笑死我!」

岑麗香產後首次拍劇,粉絲必定期待。
吳業坤自知講錯說話,向商天娥鞠躬道歉。