馬國明笑胡鴻鈞口技唔掂 爭住要咀蔡思貝

唔通真係朋友妻,咪走雞?!

無綫劇集《降魔的2.0》演員馬國明、胡鴻鈞、黃智雯、C君在將軍澳電視城為大結局宣傳。黃智雯和劉佩玥在遊戲時扮作爭奪馬國明向他示愛,黃智雯笑謂知道馬國明Dry了很耐,特別送上印有她頭像的心形咕𠱸,撫慰他徹夜難眠,C君笑說:「呢個叫嘔心呀。」

劇中劉佩玥同黃智雯爭馬國明。
黃智雯送心型咕𠱸慰藉Dry爆嘅馬國明。

馬國明對劇集將大結局感不捨,因大家合作愉快,難得遇到一班投契的演員,希望再有機會原班人馬再合作,拍攝甚麼題材也沒所謂。問到會否開拍《降魔的3.0》?他說:「要問監製,不過結局都有伏線嘅。」

胡鴻鈞最開心大家接受「豪仔」角色,覺得仍有發揮空間,特別是咀戲。馬國明取笑說:「你啲錫戲真係差少少,如果畀我唔會咁。不過佢今次錫係有目的,希望下次畀啲感情戲佢錫啦。」問到胡鴻鈞最想與邊位女演員咀嘴?他笑說:「冇所謂。(緋聞女友蔡思貝?)要睇吓有冇機會合作先,(如果C君同思貝揀錫邊個?)若果劇情需要,錫馬明都得。」馬國明則笑說:「我就當然揀錫思貝啦,哈哈。」

馬國明嘲笑胡鴻鈞錫功唔掂!
仲講到明會揀蔡思貝嚟錫!