《人權法》通過惹向太不滿 微博留言:這輩子都不再踏足美國!

向太&向佐

反修例運動持續多月,而向太陳嵐亦有一直留意香港嘅局勢發展,佢仲不時喺微博發表愛國撐警言論。喺噚日,美國參議院通過《香港人權與民主法案》,令「愛國」嘅向太非常不滿,仲認為美國唔應該干涉中國嘅內政,更發誓話呢一世都唔會踏足美國。

喺噚晚大約6點,向太就喺微博上載影片並留言話:「中國內政不容你老美干涉!我發誓這輩子都不再踏足美國!香港今天的狀況是上天送給我大陸同胞非常好的反面教科書。暴徒們的一切惡行令全世界的中國人更加愛國,愛戴執政的中國共產黨!中國萬歲」

向太微博

喺微博有超過1千4百萬粉絲嘅向太,貼文一出隨即吸引唔少內地網民轉發及留言支持,紛紛留言話:「向太威武」、「好樣的!🇨🇳中國萬歲」、「向媽咪真剛!!!!!厲害了」、「你說的都對」及「向太您好!不愧是女中豪傑,霸氣威武!太佩服您了!永遠支持向太!」等等。