飲醉酒去工作?周慧敏行路斜晒要人扶實

飲醉酒去工作?周慧敏行路斜晒要人扶實

藝人周慧敏出道超過30年一直都有「玉女」呢個稱號,無論鏡頭前後都係咁清純,近日網上流傳一條關於佢嘅片,應該係啱啱出完活動,離開時腳步浮浮唔係好企得穩,嗰感覺好似係飲醉酒,成程要人扶到實,網民都好驚訝話唔通女神係飲大咗去工作咁爆炸?

呢個傳聞好快就傳到去周慧敏耳邊,佢就喺社交網解釋番件事:「台上穿高跟鞋點都撐到,台下1小時也撐不到,就像跛行。」原來女神唔係飲醉酒,之所以會咁樣行路,係因為着高踭鞋搞到對腳好痛所致,唔少網民都留言話好心痛,仲話佢着平底鞋都係一樣咁靚女,不如少啲着高踭鞋保護雙腳啦!