食飯無端受辱 敖嘉年被前輩鬧樣衰

東方日報
在圈中浮沉多年,敖嘉年仍無悔入行。

藝人敖嘉年昨日擔任香港開電視節目《是敢的》嘉賓,大談辛酸史:「喺TVB拍劇經常捱更抵夜,又試過畀前輩鬧。記得入行幾日,喺餐廳食飯,有個老前輩話『睇吓你個衰樣,今年冇乜特別就唔好做』,我都有諗自己係咪真係咁醜,不過依家諗番覺得好好笑,當人生一個回憶!又試過喺街畀人叫『茄喱啡』,真係會唔開心,但冇後悔入行。」

上月離巢的他,指公司曾跟他傾續約,條件不錯:「有加人工,但公司想我4月拍劇,我4月有個舞台劇,疊住咗,所以拍唔到。(嚟緊有咩工作?)嚟緊仲有電視劇同香港電影。」