《飛虎之雷霆極戰》收視理想宣布開拍第三輯 不過呢位演員冇份拍...

《飛虎之雷霆極戰》記者會

《飛虎之雷霆極戰》由苗僑偉、吳卓羲、黃宗澤及馬國明等人主演,劇集播映以來收視理想,首集七天跨平台總收視31.7點。有咁好嘅收視,無綫梗係再度添食啦!喺噚日,劇集舉行記者會,監製樂易玲宣布開拍《飛虎3之壯志英雄》,演員卡士陣容比《飛虎之雷霆極戰》鼎盛,除咗繼續由苗僑偉、黃宗澤及吳卓羲擔正之外,仲會加入多年來做過無數次飛虎嘅馬德鐘、好戲之人張兆輝及女神陳瀅等等。女神陳瀅透露喺劇中同苗僑偉及黃宗澤對手戲比較多,唔知係唔係同黃宗澤有感情線呢?!而馬國明就因為檔期問題而無辦法接拍。

《飛虎之雷霆極戰》係喺冬天拍攝,所以劇組都相對輕鬆,但《飛虎3》將於暑假拍攝,一眾演員都要有心理準備去忍受高溫。另外,由於疫情持續關係,《飛虎3》唔會好似笫二輯咁去英國取景,全劇將會喺香港拍攝。

《飛虎之雷霆極戰》記者會
《飛虎之雷霆極戰》記者會