顏仟汶放低晒拒復交 詹秉熙與太太分房三年認離婚

東方日報
詹秉熙承認正與太太辦離婚。


藝人詹秉熙與太太終認離婚,被詹太直斥是第三者的顏仟汶昨日出席活動,表示跟他們已沒有聯絡,亦已放低此事,一直單身的她坦言想生BB。


顏仟汶與詹秉熙近年過從甚密,更傳出詹秉熙與太太搞離婚,早前顏仟汶表示被詹太電話騷擾,其後發聲明與詹秉熙絕交。前晚詹太表示已決定離婚,繼續鬧爆顏仟汶是第三者。而不認不認還須認的詹秉熙,昨日以短訊回覆稱正與太太辦離婚:「已交由律師處理中,我和太太於約三年前已經開始各自分房瞓,因為小朋友關係,一直無去處理問題。我哋離婚唔關任何人事。多謝關心!謝謝!」


澄清唔到咁多


昨日顏仟汶到深水埗出席活動,表示發聲明後已跟兩人沒有聯絡,她從新聞得知兩人離婚。對於被鬧搶人老公,她說:「我單身,冇同任何人一齊。(覺得無辜?)做呢行冇辦法,食得鹹魚抵得渴,澄清唔到咁多。(有冇怪詹秉熙處理得唔好?)我出聲明之後已經放低晒,誰對誰錯唔重要。(怕唔怕事件影響形象?)社會好多時會放大負面嘢,我都係嗰句,大家睇落去囉!(詹秉熙依家離婚,有冇得做番朋友?)唔關事,做朋友都有底線。」


與男友人玩得癲


她承認向來跟男性友人玩得很癲,自己性格「比男人更男人」,所有人都叫她兄弟,問之後會否收斂熱情?她說:「好多男性朋友都結咗婚啦,個別例子唔想講,係定唔係將來會睇到。」問現在有否追求者?她直言現時是空白期,希望工作為先:「我咁嘅年紀,做嘢先最實際,以前就係太不切實際,依家想追番自己生活。(有咩目標?)其實我想生BB,但呢個階段應該冇乜可能。」

顏仟汶坦言已放低此事,希望以工作為先!



是日精選

 

客串-愛-回家-有幾多露幾多-bobby-聽聞公司要打馬賽克

sammi祖兒打破沉默

安排女友與蕭正楠撐枱腳-洪永城-睇佢哋搞乜

謝安琪騷胸贏歡呼-張繼聰遭仔女冷待心酸

顏仟汶放低晒拒復交-詹秉熙與太太分房三年認離婚

側田自爆有個-女-daddy對你唔住

蜜月結束了-婚後首現身-林志玲帥尪露燦笑

低b賺錢王-陸永靠湊女搶分

備戰迎鼠b-直擊蕭正楠黃翠如診所驗身