韓國團隊打造靚爆婚照 苟芸慧童話婚禮險被嫌幼稚

星島日報相片

【星島日報報道】陸漢洋(William)與苟芸慧將於本月19日舉行婚禮,他們早在5月去了韓國拍攝婚照,動用重量級的專業團隊,包括朴信惠、李聖經的御用化妝師,曾為李英愛、金喜善拍攝的攝影師等。

婚紗照外,還有幾個不同的造型照片,有室外的清新Look,亦有晚裝的高貴Look,足足影了兩天。Christine大讚韓國化妝令她煥然一新,William亦大讚漂亮。她謂化妝師化粉底有獨門秘技,會不斷拍打面部,令粉底更易滲入皮膚。她笑說:「好似被人打了幾個耳光,但個底妝好薄好自然,我好鍾意。」

對於影相Christine當然驚輕就熟,但William是新手一名,十分緊張,表情動作都很生硬。幸好攝影師貌似鄭中基,還專登以女仔聲講解如何擺甫士,逗得他們笑不攏嘴,緩和不少氣氛。William鬼馬說:「Christine實在太靚,甚麼角度都咁靚,我當然大壓力,驚會破壞了張靚相,所以都係避重就輕,影多點我的側面比較穩陣。」他笑謂平時教Christine賽車,今次換上由Christine教他擺甫士做模特兒。今次他還為拍攝獻出了第一次,他從未試過穿粉紅色衣服,但Christine和攝影師大力推薦,他唯有就範,拍攝效果令他出乎意外。其中一天他們在室外拍攝,剛遇上街上有個國際美食展,掛了很多國旗,他們即要求要在香港區旗下影相。

Christine此行還擔當嚮導帶William遊首爾,說:「William第一次去韓國,以往我哋旅行都係佢負責安排,今次我輪到我做導遊,帶佢周圍食野。佢最鍾意黑豆豉炸醬麵,不過都係等完成左兩日影相先去食,佢怕有肚腩。」

至於婚禮以童話故事做主題,Christine自爆當初被William嫌幼稚,經她細說自他們相識、拍拖至結婚,感覺都似童話故事的男女主角一樣後,William聽畢隨即照辦。

睇更多