靚靚唔敢話老公肥

星島日報相片

【星島日報報道】袁詠儀(靚靚)昨日到澳門出席時尚品牌新店開幕禮,更為鑲有2,712顆合共90卡鑽石、價值1,600萬港元、全球只有三個的限量版小手袋進行揭幕儀式,搞笑的是她不肯拿起手袋,笑言怕拿上手就不願放下。

作為名牌手袋忠實擁躉的靚靚,被問到老公張智霖(Chilam)是否很擔心她出席是次活動?她強調自己是一個精明消費者,並謂:「老公知道我有控制能力,而且好理性,並非外間講到咁瘋狂,我也不是追潮流的人,最重要是適合。」靚靚又承認有些手袋是用作欣賞和收藏,因為喜歡了解包包背後的故事,許多更是充滿人性的。笑問揀包包是否跟揀老公一樣咁有眼光?她謂:「咁揀老公好 ,不過老公都笑我可能有日會拍賣珍藏,事關我又生唔到個女,無得傳下去,將來的新抱又可能未必喜歡。(Chilam曾笑問可否找人代生?)梗係唔得,諗 都唔得!其實我已經好滿足,人不能太貪心,也不可能盡善盡美,可能上天要我好好照顧兒子和家庭,畀多個小朋友我都無時間照顧。」

此外,談到她最近上載比堅尼泳照,身形甚Fit,靚靚表示為了電影Keep Fit了兩個月,現已比之前肥了,不過稍後會再Keep,食營養餐和做運動雙管齊下,為投入工作做準備。至於有指Chilam反而有點發福,她搞笑道:「我唔講喇,唔係又話我刺激佢,又話我口賤,之前我 在台灣一家書店,佢被人話肥 已經好Down,我都唔敢出聲呀!」文:林子棠 圖:羅安強

■靚靚到澳門出席時尚品牌新店開幕禮。

娛樂