青雲謝票初體驗 嘉欣教路笑騎騎

東方日報
湯怡大晒美腿,相當養眼。


藝人劉青雲、林嘉欣及導演麥兆輝等,出席英皇電影《廉政風雲 煙幕》謝票活動。首次參與謝票的青雲表現緊張,與戲迷打招呼時口窒窒,經嘉欣一輪教路後,青雲才回復生鬼本性狂搞Gag,現場觀眾反應熱烈。


英皇電影《廉政風雲 煙幕》票房成績理想,截至昨晚十時,累積票房達2,370多萬,而一眾主角及演員劉青雲、林嘉欣、湯怡、吳浩康、何遠東及導演麥兆輝,昨晚更連走多間戲院進行謝票。


第一次謝票的青雲起初相當緊張,不時問工作人員正確的站立位置,與現場觀眾打招呼時又口窒窒:「我係劉青雲,我今日係第一次嚟謝票!」幸而經過一輪熱身後,他即回復生鬼本色,笑言終於可以與湯怡一齊睇戲,既搞氣氛又與大家玩遊戲派利是,令現場觀眾情緒高漲。


青雲與嘉欣受訪時,坦言很開心票房理想,青雲說:「台前幕後宣傳都好努力,依家收得當然好開心,我係第一次謝票,啲宣傳人員叫我靜靜哋喺度扮觀眾。」之後他叫嘉欣傳授謝票心得,嘉欣說:「笑吓咪得囉!」青雲笑言:「即係如果一陣啲觀眾問青雲你喺度做緊乜呀?我就騎…騎…騎咁笑?」


何遠東續集擔正?


導演麥兆輝對成績表示滿意,問到續集會否是賀歲片?他說:「好難講,劇本行先,呢套電影都寫咗9個月。(原班人馬拍?)未諗,但有啲都可以繼續嘅,好似青雲、林嘉欣呢一對,同埋何遠東,下一套可能何遠東做主角呢!」何遠東即大表驚訝,開心到說不出聲。


吳浩康未有翻撻


至於單身的吳浩康及湯怡,被問到情人節會否很Dry?吳浩康說:「都係咁啦!(唔係翻撻鍾舒漫咩?)呢啲係大家嘅想法,如果我同佢關係上有想法,唔會同大家講,何況依家都未有打算。」湯怡就透露未收到花,坦言女仔都希望有人錫。

青雲與嘉欣即場派利是,觀眾們舉晒手搶住要。
《廉政風雲 煙幕》場場爆滿,一眾演員與戲迷打成一片。
經嘉欣教路後,青雲愈玩愈放狂搞Gag。
青雲同嘉欣與觀眾近距離互動。

 

是日精選

 

阿嬌情人餐甩底老公嬲豬

傳宇宙級港女吳若希婚姻亮紅燈-婚姻中忍讓不是必然

林文龍批准翠如隨時收工造人

樂易玲嘲情史抹唔走-吳業坤開騷征服世界

女大18變定造型出事-張曦雯-突然同do姐撞樣

撇低仔女睇冰上曲棍球-鍾嘉欣孖老公二人世界上電視

李彩華6呎-鋼男-私有化-啜手指放閃