霆鋒Eason拱照叱咤掀集體回憶 樂迷︰呢啲先係頒獎禮

1 / 8
霆鋒Eason拱照叱咤掀集體回憶 樂迷︰呢啲先係頒獎禮

【晴報專訊】商台的《叱咤》頒獎禮前晚落幕,全晚最爆的並非賽果,而是兩大表演嘉賓謝霆鋒、陳奕迅(Eason)霸氣回歸,二人先後大唱經典舊作,片段在網上洗版。很多樂迷高喊集體回憶返晒嚟,跪求近年轉揸鑊剷的Chef Nic揸番結他;有人亦期望Eason唱多些廣東歌,再做K歌之王!

近年專注在內地炮製《12道鋒味》的霆鋒,上次現身《叱咤》舞台已是16年前的事。商台天大面子找來久違了的霆鋒為頒獎禮揭開序幕,他孭着結他Rock爆登場,隨即聯同Band仔Supper Moment、觸執毛等邊Chok邊唱其千禧年快歌《活着Viva》,又有獻唱《玉蝴蝶》及新作《有火》。雖然霆鋒未有表演單綫Solo及扔爛結他的招牌動作,但難得Chef Nic在香港獻聲,全場也不禁High爆站起來。除了現身叱咤外,霆鋒將於1月20日在高雄出席KKBOX風雲榜演出。

Eason自誇唱歌最易

其後,《叱咤》臨近尾聲時,輪到林海峰(Jan)出場,個個以為他會以「是但噏」方式道出過去30年《叱咤》的重要時刻,想不到他卻選擇以旁白方式介紹Eason過往的金曲,並配上「那些年」的得獎片段,緊接着Eason唱着其1998年作品《我的快樂時代》,以壓軸嘉賓身份亮相,震懾全場。之後,他再演繹舊曲《天下無雙》、《陀飛輪》及《K歌之王》的medley,帶起全晚高潮。

很多樂迷也讚嘆《叱咤》有兩位樂壇大師兄加持,完勝星光黯淡的《勁歌》及《勁爆》頒獎禮;有人更聲言當晚青春回憶返晒嚟。

Eason昨晨在FB上載《叱咤》頒獎禮當晚的後台訪問片,他笑言演出時有點緊張,並稱︰「上去呢個《叱咤》(舞台)幾好吖,有啲腎上腺素嘅郁動,都算完整完成個演出咁!阿丙(鋼琴伴奏何丙)好嘢,阿Jan都好好嘢,佢嗰啲(旁白)好難背,因為要夾Timing講嘢都幾有壓力。我就最易囉,因為我企喺度唱歌咋!」

撰文︰Steven、Pat

編輯︰黃寶恩

美術︰梁政敏

更多晴報內容,請登入網站www.skypost.hk

LIKE晴報Facebook專頁(www.facebook.com/Skyposthk),更多驚喜

 

是日精選

霆鋒eason拱照叱咤掀集體回憶-樂迷-呢啲先係頒獎禮
林志玲言承旭要結婚-劉畊宏暗示-好事將近
勁歌叱咤大比併-都係頒獎典禮點解相差咁遠
成樂壇新勢力-黃心穎上位唱-開心速遞-主題曲
高材生-林作-百萬富翁-食蛋-何b燒鬚贏6-000元條氣唔順
王菀之幸福肥否認有喜
兆尊斥梁思浩慣性誇張
王菲晒合照-變相澄清孕訊
陳柏宇同老婆齊齊喊
被指濫接工作林盛斌-殺手論-反擊
2017年港片票房-春嬌救志明-最收得
何佩瑜屁股留疤告別水着
蒼井空晒婚戒嫁冇錢dj
咪神彭慧中夜蒲狂歡-西裝友錫面攬住un-
霆鋒打造天價巡迴騷香港響頭炮