【電影LOL】《死因無可疑》林嘉欣自製殘樣綁腳演可疑婦人

「死因無可疑」呢句說話,相信呢一年觸動唔少港人嘅神經,馬虎調查死因只會引嚟更大嘅傷害!《暗色天堂》導演袁劍偉再次夥拍太太林嘉欣帶嚟懸疑驚慄推理電影《死因無可疑》,由保險索償帶出恐怖殺人案!

死因無可疑》講述保險經紀葉永信(陳家樂飾)被神秘客戶指定跟進保單,在上門拜訪時,親眼目睹客戶兒子吊死在半空,正直的他認定客戶為詐取保險金而濫殺兒子,決心向這對夫婦——朱重德(黃秋生飾)和沈子玲(林嘉欣飾)展開追查,憑一己之力將犯人繩之於法,沒料這顆正義的心剛好是敵人反擊的籌碼。當葉永信以為自己逐步邁向真相之同時,恐嚇事件接二連三地發生,危險向他以及身邊的人逼近,更一度深化他對犯人的恨意,使他逐漸迷失在善惡之間……

林嘉欣一向形象甜美,今次一改戲路飾演跛腳及左眼失明嘅中年婦人沈子玲,為角色唔整頭唔護膚2個月,仲特意搵甄詠蓓指導肢體動作,縛5磅喺腳上營造舉步為艱,從中體會到人會因為外在影響內在。單睇預告,可能會以為黃秋生飾演嘅朱重德係主謀,太太子玲係被蒙在鼓裡嘅無辜婦人,不過根據小說嘅情節,你就知道林嘉欣飾演嘅子玲唔簡單,不斷嘅傷人、殺人……只係單純為咗保險金?

死因無可疑》除咗黃秋生、林嘉欣演出外,有廖啟智飾演犯罪學教授甘清石,歐錦棠飾演負責調查保險詐騙嘅前警員,仲有成日睇佢教中文嘅Ben Sir飾演保險公司高層,同埋湯怡飾演永信女朋友文惠儀。佢地因為永信尋求真相而被捲入事件中,分別賠命或受傷!電影集合咗好多好戲之人,近年受英皇力捧嘅陳家樂飾演故事核心人物,要同兇手鬥智鬥力,兼要活於惶恐不安之中,角色都幾考功夫,佢亦交到貨,希望作為新生代演員之一嘅佢會越演越有戲!

電影改編自日本推理小說貴志祐介嘅小說《黑暗之家》,小說獲得驚慄小說大獎,作者善於營造緊張嘅氣氛及令人毛骨悚然嘅環境,無咩事唔好夜䦨人靜時睇,費事嚇親自己。亦因為寫作手法出色,小說熱銷過百萬本,仲分別被日本、韓國兩地改編成電影!

死因無可疑》其實一早拍好,不過受新冠疫情影響而推遲到今個月25日先上映,宣傳計劃未知會否因此受影響,不過相信好戲自然有人欣賞,仲有以香港演員為主嘅港產片就快啲睇,因為買少見少呀!

更多電影文章

【電影LOL.外語930】《寫出友共鳴》認識種族歧視入門課

【電影LOL】今個星期睇咩戲 《飢俄人妻》《鬼船瑪莉號》《地下拳》《暖男花店》《婚禮之後》

【電影LOL】韓片暑假喪屍熱 朴信惠劉亞仁拎自拍棍救自己!

【電影LOL】特效片有數返 片廠搵Ryan Gosling拍狼人傳搏一搏

【電影LOL】湯告魯斯密謀坐SpaceX上太空拍戲 爭做荷里活升空第一人