【電影LOL.外語930】《寫出友共鳴》認識種族歧視入門課

美國明尼蘇達州黑人男子George Floyd懷疑被截查遭警員用膝頭壓頸而死亡,事件引發牽連大波,美國多處地方出現反警暴反歧視遊行,Black Lives Matter成為熱門詞語,唔少名人藝人都喺社交媒體post出一片黑色嚟表態。

黑人在美國遭遇不平等對待多年,荷里活向來有唔少呢類題材嘅電影。大導演史提芬史匹堡早於80年代的作品《紫色》(The Color Purple),就描述上世紀初黑人女性的經歷。2013年的《被奪去的12年》以黑人音樂家被擄走成為奴隸的慘痛經歷,電影之後更贏得奧斯卡最佳電影。

描述黑人平權嘅電影多數調子沉重(咁一定架啦),如果睇完呢期美國嘅新聞想知道更多,我介紹你睇呢套冇咁沉重嘅《寫出友共鳴》(The Help)。1960年代民權運動前,社會對黑人女傭歧視仍然嚴重。故事分3線進行︰白人年青女子Skeeter(Emma Stone飾)由黑人女傭Constantine照料長大,大學畢業後返回家鄉,卻發現母親辭掉年邁的Constantine。另外Skeeter與已婚好友Elizabeth再聚,發現白人太太們對女傭的偏見甚為無理,例如認為傭人用過嘅廁所會有佢地嘅細菌,所以唔可以共用。Skeeter於是找來2名黑人女傭,開展寫作計劃,以紀實教學書寫女傭們嘅不平等待遇。

除咗講出因為膚色帶來嘅歧視,《寫出友共鳴》亦都帶出當時社會唔少成見︰白人女生入大學係為咗搵老公,畢業後拿拿聲結婚生仔;對家傭嘅冷暖人情世態,對香港觀眾而言應該相當有感受。

而家睇返先發覺,《寫出友共鳴》嘅卡士相當強勁!幾位主角Emma Stone、Alison Jenney、 Viola Davis同Octavia Spencer都先後上過頒獎台,同片嘅Bryce Dallas Howard 同Jessica Chastin都係女主角級數,睇一班阿姐同場鬥戲都夠吸引。

更多電影文章

【電影LOL】今個星期睇咩戲 《飢俄人妻》《鬼船瑪莉號》《地下拳》《暖男花店》《婚禮之後》

【電影LOL】韓片暑假喪屍熱 朴信惠劉亞仁拎自拍棍救自己!

【電影LOL】特效片有數返 片廠搵Ryan Gosling拍狼人傳搏一搏

【電影LOL】湯告魯斯密謀坐SpaceX上太空拍戲 爭做荷里活升空第一人

【電影LOL.煲劇部】「犯法就係犯法」《時效警察》專查無得問責過期舊案