【離開6年】高鈞賢重返無綫做《流行經典50年》嘉賓:試吓水溫

高鈞賢

2005年香港先生冠軍高鈞賢(Matthew),喺無綫捱足9年,但都上唔到位,做極都係配角。喺2014年,佢黯然離開無綫,轉戰內地發展,返到內地佢一劇接一劇,成績都算唔錯,仲獲得潛力演員獎。噚日高鈞賢重返無綫為節目《流行經典50年》錄影,獻唱張國榮哥哥作品《共同渡過》。被問到係唔係為咗回歸無綫鋪路試水溫?Matthew就話都可以話試吓水溫,佢都好掛住香港嘅觀眾,就算喺大陸拍咗六年劇,但觀眾及記者嘅感覺都好唔同,喺香港大家好似朋友一樣,所以好想有返呢種感覺。

Matthew亦都話同無綫曾經傾過合作,亦有同無綫高層余詠珊保持聯絡,但檔期夾唔到, 佢仲話如果有緣份返無綫拍劇,佢會好開心。

另外,現時「自由身」嘅Matthew嚟緊會參與一套合拍電影,佢又講到北上發展令佢明白到工作機會得來不易,以前白紙一張思想太過幼稚,好多嘢唔識處理,又唔識去爭取。但而家知道好多事係要自己爭取,要珍惜機會。佢又認自己當年任性,如果當時有宜家嘅心態同經歷,佢會選擇留低。

高鈞賢
高鈞賢
高鈞賢
高鈞賢
高鈞賢