【離晒大譜!】山寨版林俊傑冒名演出賺2百萬人民幣

市面上山寨版可以話係多不勝數,你諗到諗唔到嘅都可以有山寨版。今次係新加坡爆紅歌手JJ林俊傑!

真JJ:

山寨JJ:

係人都知道JJ憑靚聲吸引到一班支持佢嘅Fans,一切都係靠自己實力。2014年內地就出現一位頭髮與樣貌都有九成似JJ嘅山寨版JJ(苑一賢),而且仲有消息指呢位山寨內地JJ借真實JJ林俊傑個名冒真人到處去酒吧及夜店演出,認真大膽!保守估計佢應該已經賺咗大約200萬人民幣(約220萬港幣)!

苑一賢嘅行為實在太過份,令到JJ林俊傑身邊好友、中國國寶級歌手韓紅前兩日發火痛罵:「太無恥了,欺人太甚!模仿秀,我們能接受,因為都要活着,要吃飯,放你一馬,但是你用“林俊傑”的名字欺騙消費者實在太無恥!最難容忍是:你侮辱了我們喜愛的JJ的無敵歌聲!走着瞧!」仲直言冒到佢個樣,但都一直侮辱緊JJ林俊傑嘅無敵歌聲。一班心愛JJ嘅Fans同網民都話唔可以再容許呢位山寨版JJ發生呢啲事。

林俊傑經纪人亦都同樣回應:「其實我們一直都在處理中,目前不方便透露任何詳情。」而所屬嘅唱片公司亦都派人警告范一賢,但由於苑一賢多數選擇偏遠地方演出,有時仲會一大張海報登出「林俊傑模仿秀」字眼,行緊灰色地帶又游走緊法律邊緣,所以一直未能告發。