【離巢8年】周家怡將返無綫拍醫療劇 夥拍馬國明羅仲謙仲有呢位女神

周家怡

周家怡喺無綫多年都不被重用,做嚟做去都係配角,但佢一轉去香港電視就拍《導火新聞線》即刻擔正女主角,之後再轉戰ViuTV拍咗《瑪嘉烈與大衛系列 綠豆》及《歎息橋》,又獲得唔錯嘅口碑。除咗電視圈之外,周家怡喺影壇都有唔錯嘅發展,例如電影《無雙》,佢就獲香港金像獎最佳女配角提名,佢嘅演技已獲得外界肯定。

周家怡喺離巢8年後,近日有傳佢七月回巢返無綫拍醫療劇《兒童醫院》,同劇演員有羅仲謙、馬國明及鍾嘉欣等等。好多網民都認為周家怡回巢機會不大,一來因為「方丈」份人好小氣,二來周家怡係ViuTV有唔錯發展,唔會無端端走。不過周家怡竟然透過經理人向傳媒回覆已落實回巢,更確認會拍《兒童醫院》,其他嘢就交由無綫公佈。

周家怡事隔多年再同無綫合作,雖然暫時未知佢飾演咩角色,但肯定唔再係啲冇名嘅配角。

周家怡
周家怡
周家怡