陶大宇捱通頂清場講數

東方日報
大宇入晒戲,殺氣騰騰!

邵仲衡、陶大宇和郭政鴻「三蟹」在劇集中無惡不作,廿多年後的今日終於「從良」,由打家劫舍變打機,同樣有錢袋!日前,他們為手機遊戲拍攝新一輯廣告,穩袋六位數字酬勞,總算有餐大茶飯餬口!

無綫經典劇《大時代》的「三蟹」邵仲衡(大佬孝)、陶大宇和郭政鴻劇外重聚搵真銀,他們早前演出《三國志》手機遊戲廣告大受歡迎,遊戲公司再邀「三蟹」扮演三國鼎立陣營,拍攝全新一輯遊戲廣告。片中他們以過氣江湖大佬造型登場,並在茶樓講數,情節搞笑。三兄弟並非只顧講打講殺,而是最愛上線打機,更緬懷當年,大宇和大佬孝笑說:「當年嘅豆腐火腩飯,依家就叫『男人的浪漫』呀!」

關刀領飄江湖味

全片行懷舊風,「三蟹」造型以至場景都是6、70年代,其中以關刀領恤衫配白西裝的大宇最搶鏡,大佬孝以穩陣派的皮褸型仔上陣,政鴻的深色西裝較為沉實,但頸上的粗金鏈最頂癮!今次廣告取景場地是九龍城一間有60年歷史的潮州酒家,其大龍鳳和福祿壽三星的主景,最具當年的江湖味。

「收火」養喉嚨

講到大佬造型,大宇駕輕就熟,他早前在ViuTV劇集《詭探前傳》飾「鬼城」一角,大佬形象入型入格,說話語氣殺氣重重,人見人怕。今次再演「大佬」,他笑言不辛苦,因為不用嗌破喉嚨:「拍劇要集集鬧人,今次廣告就搞吓笑、扮吓嘢啫!不過今次要就間酒家,冇客先可以開工,所以要通宵時間拍攝,辛苦咗啲,好耐都冇試過捱通頂!」

「三蟹」有Game齊齊玩,有錢齊齊賺!