陳豪擬英國置業 仔女每人一層

東方日報
老婆與三個仔女是陳豪的心肝椗。

藝人陳豪昨午出席英國樓盤促銷活動,坦言有興趣在當地置業,三個仔女一人一層,又大讚當地求學環境佳:「好多一流學府同好好嘅寄宿學校喺嗰邊。(送晒仔女過去?)未知,佢哋大咗可能有自己打算。(幾時送佢哋出國?)等佢哋學好啲中文先,依家我教佢哋寫字,仲陪佢哋上國語堂,名副其實嘅陪太子讀書!」談到房地產投資,陳豪承認「有幾舊磚頭喺手」,他說:「磚頭對藝人嚟講比較穩陣,做生意唔熟嘅話驚蝕。(冇玩股票?)有,依家咪大閘蟹囉!(澳洲有樓?)有,英國就未有。」

工作方面,他透露《陀槍師姐2020》煞科後,即要投入《飛虎3》拍攝,年底再拍《白色強人2》,感恩疫市下工作不斷。今天父親節,他會利用上午時間與家人慶祝:「只要同佢哋一齊,做咩都得。(禮物呢?)佢哋媽咪(太太陳茵媺)準備咗喇!」