陳豪唔想仔女接觸娛圈

東方日報
陳豪極力保護與陳茵媺的三個子女,拒拍親子真人騷。

藝人陳豪在劇集《誇世代》中演銀行界巨子,與森美有一段疑幻疑真又搞笑的HeHe情,現實生活中的他出名是愛妻號,更是三個小朋友的「爸爸奴」,他揚言決不讓仔女參與真人騷,寧願自己撐起成頭家!

陳豪在劇集《誇世代》中,最亮眼就是他與森美晒肌打拳一幕,多年來都「惜肉如金」的他,首次為劇集狂操Body,連太太陳茵媺都另眼相看!他直言收到劇本時已知有一場打拳戲,當時仍懶懶閒,後來見到森美愈來愈Fit,他才「開始要做啲嘢」!拍攝打拳戲前個多月,他向張繼聰請教健身方法:「嗰陣個人冇咩線條,即刻問阿聰點算,當時一星期抽六日去健身,一次三個鐘,食嘢要計卡路里,仲要每日跑半個鐘步。」

自度HeHe劇情

談及與森美的搞笑HeHe情,他笑指今次合作擦出不少火花,更大爆二人在劇本中「加料」,令兄弟情變成別人眼中的HeHe情!他說:「搶完婚之後,我哋喺路邊傾偈嗰幕,森美一句『你對我係咪有Feel呀?』我再摸佢頭,就係森美要求加落去,佢笑嗰個表情,我諗起都想笑!」

此外,與陳茵媺育有兩子一女的他,直言曾有人邀請他帶埋仔女參加內地真人騷,但被他拒絕,原因是想小朋友有一個美好的童年,他說:「佢哋太細個喇!怕佢哋分心,最擔心係會影響學業,唔係太想畀佢哋咁早接觸呢個圈,希望佢哋有一個美好童年。」

文:影視組

場地:北角海逸酒店

服裝:A.P.C.

與森美加料玩HeHe,陳豪覺得很有趣。
陳豪平衡事業與家庭,兩者缺一不可。