陳豪做明燈 教精羅仲謙

東方日報
陳豪負責指揮大局,揸槍都係貪型仔啫!

藝人陳豪與羅仲謙日前在石崗拍攝劇集《陀槍師姐2020》煞科戲,陳豪指劇中有大量動作及爆破場面,但演指揮官的他較少動作戲,至於謙仔則比較辛苦:「我係行動組,上山下海、跳樓、爆炸全部齊,拍攝嗰陣都有少少受傷,拗過兩次柴!」

謙仔透露拍畢《陀》劇後,待7月中再開工,會趁休息期間學湊女:「依家諗緊佢學業嘅嘢,有向陳豪取經,問佢啲方向性嘅嘢。佢係我嘅明燈嚟,有佢唔使行咁多冤枉路。」陳豪即以過來人身份分享:「每個家長都頭痛,有條路線好重要。好似我以前3個小朋友分開3間學校,淨係每日做司機車出車入已經6個鐘,依家全部同一間學校就好好多。」

羅仲謙帶隊衝鋒,上山下海樣樣齊。