陳茵媺恨拍劇捉實梅小青密斟

東方日報
陳茵媺透露打算帶三子女返加拿大放暑假。

藝人陳茵媺與譚杏藍等昨日在銅鑼灣出席護膚品活動,原本皮膚雪白的陳茵媺明顯曬黑,她笑說:「依家住近咗沙灘,成日帶小朋友去沙灘玩,所以曬黑咗!」她又透露最近正狂煲有份演出的劇集《法證先鋒III》,剛巧在活動中與無綫監製梅小青碰面:「真係好掛住拍劇!但係要照顧三個小朋友,時間難就啲,拍電影就會容易就啲,如果我出去做嘢,阿Mo(陳豪)都會喺屋企照顧小朋友。(梅小青有冇搵你拍劇?)頭先未有時間傾,好耐冇見,都係講扮靚。」

至於譚杏藍分享護膚心得,自言最緊要多飲水:「我每日會飲四、五公升水,只要每次飲三、四百毫升,就算多飲水都唔會成日想去廁所。」加上經常做運動,包括瑜伽、行山及打Boxing:「雖然自己曬唔黑,但係會好多斑。」

咁啱嘅!想拍劇就撞見梅小青!
譚杏藍自言護膚方法老土,就係多飲水。