陳芷尤擺脫性感做女一

東方日報
陳芷尤過去一年工作多多,令她很享受。

女藝人陳芷尤半年前與張振朗分手,去年轉戰新加坡拍戲初嘗當女一滋味,飾演女軍人的她在男人堆中相當搶鏡。早前她又在台灣與馬來西亞合拍的電影中飾演特種部隊,保護台灣女星安心亞,有不少打戲表現身手;最近又擔正偶像劇,扮演19歲學生妹。

多得喺TVB磨練

能有這麼多演出機會,芷尤直言慶幸在無綫多年打好演戲基礎:「大家以往覺得我好嬌柔,但今年戲路闊咗,若果冇喺TVB嘅磨練,突然畀個女一我做,都未必做到,所以我同無綫仲有基本合約o架!」雖然近一年個個月都要四圍飛,相當辛苦,但她很享受,覺得有衝擊及新鮮感,家人亦大力支持她。

而最令她開心的是角色不用性感,能擺脫性感形象:「香港觀眾可能覺得我係性感型,依家拍戲反而唔使,可以睇到我嘅演技。(前度張振朗有冇戥你開心?)好少聯絡喇!但都有戥我開心。(發展異地戀?)隨緣,返新加坡見番好多朋友,唔會寂寞。」

場地:My Garden/Barry@Relaxdearhk

陳芷尤與張振朗已甚少聯絡。
陳芷尤演特種部隊保護安心亞(左)。
陳芷尤的確樣靚身材正,但現時她可以賣演技,不賣性感!