陳琪做足準備唔怕「搞出人命」

東方日報
陳琪化身模特兒,任老公私影。

藝人陳琪近日趁老公胡諾言休息數日,忽發奇想撇下家中三個小朋友,到馬爾代夫旅行過二人世界。面對陽光與海灘,她不放過穿泳裝的機會,由老公充當攝影師影靚相,陳琪笑說:「出發前朋友已經警告我哋,兩個人去就好喇,唔好三個返,因為已經有三個仔女!我話唔會啦,依家有晒準備,唔會再犯錯誤。」

不熟水性的她透露此行發生了小意外:「其實當地唔係想像中咁波平如鏡,有日我玩浮潛,去公海就畀個船家點咗,叫我跳落去睇海龜,點知我好快就變咗方力申,喺海度嘔!老公見到即刻叫人救我返上船,嗰刻我就似拍完沉船片救番上岸咁,真係好大浪!」

兩公婆划艇出海。