陳煒香閨住家飯 餵飽男友

東方日報
陳煒整蛋糕冧男友,果然係美女廚神!

入廚多年的無綫花旦陳煒,因為煮得一手好菜而成為美女廚神。不過,煮慣大茶飯的她自從與醫生男友陳國強(Aldous)拍拖後,有了愛情滋潤,生活自然浪漫不少,因而愛上整甜品,她表示一次在商場見到烘焙店齊集所有工具,覺得很方便,便開始做了她人生第一個生日蛋糕,送給數月前生日的Aldous。

陳煒稱學做甜品三個月,已經做了6、7個蛋糕:「我人生第一個整嘅蛋糕,就係整畀男友生日時食。(男友冧爆?)大家都食得好開心,佢就唔食奶類,我整咗個黑森林蛋糕畀佢。(畀幾多分?)我畀自己梗係100分啦!佢畀我就更多!」

有多年煮食經驗的她,整甜品其實難不到她:「都複雜o架!因為要跟足步驟,唔係好似煮餸咁憑感覺靠經驗,但焗蛋糕就好開心嘅。(要男友親自整番個蛋糕畀你?)唔好浪費呢啲時間,留番用嚟醫人好過啦!」

疫市工作停頓

受新冠肺炎影響,陳煒賦閒在家,工作方面,她坦言自農曆新年後便停頓了,這段時間都是做蛋糕打發時間,問到會否因甜品令她跟男友感情更進一步,索性做其煮飯婆?她卻有所保留:「男友係好鍾意嚟我屋企食飯,依家疫情就更加唔想周圍去。(會做佢煮飯婆?)好樂意為身邊朋友煮嘢食,我鄰居都叫我幫手煮紅燒魚。(只做陳氏煮飯婆呢?)又未係時候!」

陳煒大顯身手,有板有眼。