陳煒現身「A記同學會」聚會 田蕊妮、陳展鵬去咗邊?

陳煒現身「A記同學會」聚會 田蕊妮、陳展鵬去咗邊?

亞視藝人雖已經各散東西,但一班「A記同學會」不時都有相約聚舊。江美儀今日(12日)就喺IG上載多張照片,並發文表示:「A記同學趁中秋節,又有舊同事從台灣來港,就嚟一個大聚會啦。去到見到子博老婆Shirley 精神不錯,大家都為佢送上祝福。最諗唔到係大家為我同老鬼棠(黃樹棠)一齊預祝生日。真係好開心好感動㗎!」

照片中,除有江美儀外,仲有袁文傑、陳煒、陳啟泰、何慕詩、陳欣欣及老公何輝、蔡國威、張啟樂、林子博一家、鮑起靜、韓君婷等,十分熱鬧。但同樣係亞視出生嘅田蕊妮就未有出席,未知是否因為忙於綵排個唱,而陳展鵬亦同樣缺席。至於有份出席嘅袁文傑,亦在其IG上載合照,並發文表示:「今夜既溫馨,又燦爛」足見一班「A記同學會」嘅人感情十分深厚。 

點擊瀏覽《香港01》更多內容和圖集

你可能感興趣:
【好日子】結局跳出套路冇人估到 主角最後竟唔係食盆菜同BBQ
陳煒大方承認戀上型男醫生 「我清楚晒佢嘅狀況先同佢開始」