陳煒剖白「被離婚」:前夫話虧欠我!

東方日報
重遊離婚地,陳煒敢於參加相睇,事前更試索爆「戰衣」。

現年45歲的無綫藝人陳煒,兩年前自爆與台灣商人顏志行離婚,最近她亮相節目《如果這樣生活》,重回離婚傷心地台灣,剖白曾為挽救婚姻而隱瞞婚姻狀況,但即使受過傷害,依然相信愛情。

女星陳煒於2008年與台灣商人顏志行結婚後息影,但四年後復出拍劇並傳婚變,但她對此一直未有承認,二人還曾以「夫妻檔」姿態示人。豈料2017年,她接受本報獨家專訪時突然自爆原來早於2012年已回復單身,隨即被指刻意隱瞞離婚。

最近,陳煒為無綫節目《如果這樣生活》擔任嘉賓,重遊台灣的她為當年「瞞分」一事解畫,坦言此舉只是為挽救婚姻:「之前一直都唔講(離婚),一直都想保持住呢段關係,因為我覺得可以有挽救嘅機會,所以就唔想講。」續指當年前夫自覺為事業忽略家庭,故主動提出分開:「嗰陣我都唔想分開,呢個唔係我嘅意願,離婚呢樣嘢係佢(前夫)提出嘅!佢覺得工作上有好多事要處理,需要花好多時間,亦覺得有虧欠我!既然冇能力喺感情上付出,佢就覺得不如大家中斷咗段關係。」

戰鬥格引男「抄牌」

雖然曾經情路不順,但她未有放棄追尋愛情,更在節目中換上低胸晚裝,以「戰鬥格」參加相親活動。即使與年輕女生同場也絕不輸蝕,最後獲台男「抄牌」索取聯絡方法,不愧是「凍齡女神」!

陳煒重提前夫提出離婚一事,不禁眼紅紅。