陳瀅手多多測「反應」

東方日報
陳瀅與陳自瑤分別與洪永城有咀戲,被一眾藝員笑問有冇被「洗牙」?

陳瀅與陳自瑤昨日宣傳新劇,被眾人取笑與缺席的洪永城拍咀戲可有被「洗牙」?兩女力撐被指是「多嘴城」的洪永城沒有不當動作。陳瀅反而自嘲是「多手瀅」,曾為真實反應,捉着洪永城的手放在自己心口對上的位置。

無綫劇《黃金有罪》演員張兆輝、姚子羚、陳瀅、陳自瑤等昨日為劇集宣傳。由於陳瀅與陳自瑤在劇中與洪永城分別有咀戲,雖然男方缺席,卻依然被擺上枱,眾人笑問她倆有沒有被洪永城「洗牙」?明顯是取笑他與朱晨麗合作,被懷疑「鹹豬嘴」一事。

放佢隻手上心口

陳瀅被問到與洪永城拍咀戲前有否溝通?她笑說:「反而係我唔同佢溝通,試過Roll機時捉佢隻手放喺自己心口上少少,因為預先講咗會冇即時反應,就唔好睇。」她認為做演員要有適當的肢體語言,同時要信任拍檔。對於有指花旦們私下叫洪永城做「多嘴城」,陳瀅笑說:「唔係我改(口架),咁我係多手瀅,哈哈!」陳自瑤亦指與洪永城拍咀戲過程順暢,對方亦沒有加任何動作:「反而係我覺得好似咀咗好耐,導演都未嗌Cut機。」

張兆輝笑「猴擒」

劇集收視比起前劇《鳳弈》上升,張兆輝認為觀眾眼睛是雪亮的:「多謝觀眾支持,所以點解我哋咁忙碌去做宣傳,都係想觀眾有套好有戲味嘅劇可以睇吓。我冇刻意留意收視,覺得只要有觀眾睇就可以慢慢吸番啲收視番嚟。」又說不清楚現時的收視標準,笑言等到有日監製請食魚翅撈飯就知道達標,到時亦會請飲紅酒慶祝。對於劇中不少演員皆有火辣咀戲,他笑說:「我同子羚啲咀戲就好浪漫、唯美,唔同洪永城嗰啲咁猴擒,有場咀戲拍攝時直情係冇掂嘴,直到講我哋兩個拍拖先有接吻戲。」

張兆輝、姚子羚、蕭正楠對新劇收視上升感鼓舞。