陳法蓉有仔都唔要

東方日報
蔡少芬與陳法蓉多年好友,窒吓笑吓都係情趣嚟嘅!

蔡少芬(Ada)與陳法蓉(Monica)趁新春炮製賀年菜跟各位拜年!兩位相識逾廿載的閨蜜,難得攜手下廚,卻針鋒相對笑料百出,Ada更大爆Monica拒絕跟他兒子張樂兒上契,Ada說:「我打算契個仔畀Monica,等佢有條仔,點知佢唔肯!」Monica反擊說:「點解要契呀?分身家畀你個仔呀?我有好多朋友都有小朋友,好難個個契,而且我又好鍾意你細囡,唔通囡我就唔契,仔就契咩?既然我同你關係咁好,唔使契啦!」

兩人亦有溫馨時刻,Ada透露當年參選港姐時,曾在髮型屋碰見Monica,這是她們首次相遇,Ada說:「當時陳法蓉已經係港姐冠軍,我只係其中一位參選佳麗,點知轉頭有個髮型師走埋嚟同我講『有人讚你靚喎!陳法蓉讚你!』我開心到幾晚瞓唔着。」