陳柏宇拒送天價錶寸老婆小器

東方日報
陳柏宇


歌手陳柏宇(Jason)早前被太太符曉薇半夜投訴,指女兒和家中的貓狗均「失控」扭計,Jason被問是否已氹掂老婆?他竟指老婆小器,大爆當日下午拒絕買名錶,故老婆才會在深夜發脾氣及借題發揮!


Jason前晚現身音樂會任表演嘉賓,提到太太符曉薇(Leanne)早前於社交網發文指准許他出外Happy,結果囡囡扭眼瞓要她抱住睡覺,家中貓狗又打架,最終Leanne情緒爆發,自稱不能扮大方兼致電老公發洩,但Jason前晚竟指老婆「根本小器」!


對囡囡有求必應


他說:「佢當日係為咗下午嘅事,用夜晚單嘢借題發揮。(究竟咩事?)佢叫我買唔知咩,好貴,根本係天價。(咁係咩?)錶嚟嘅,咁我平時同佢講嘢都係講笑多。(有冇買?)梗係冇啦!我只係記得嗰晚好醉好辛苦,其實我本身都唔係好戴錶,唔鼓勵買,因為真係超級貴。」更指除非生死關頭才會買,但講到如果是女兒要求買時,他即「大細超」表示:「買夠兩隻!」


湯駿業邀歌被拒


同場的歌手黃妍被問到會否找Jason這類型做男友?她表示OK,覺得對方是好爸爸:「前幾日公司晚宴,佢帶埋個女出嚟,佢好照顧個女,佢個女好可愛,當晚成為『景點』,係咁畀大家影相。」而林奕匡與湯駿業亦有出席音樂會,林奕匡稱希望創作更多歌曲,即被湯駿業邀寫歌,但他拒絕:「唔好畀壓力我,我係有寫,但唔係寫畀你,因為每隻歌都講緣分,我目標係寫多啲。」並坦言欠下很多歌債。

符曉薇
黃妍讚陳柏宇是好爸爸。
林奕匡(左)拒絕為湯駿業寫歌。

 

是日精選

五大視帝同場鬥型-陳煒揀樓如揀男友-楊怡唔急生b等緣分

師妹菊梓喬爬頭做-姐-吳若希好大方-造畀佢都應該

陳柏宇拒送天價錶寸老婆小器

張達明為仔女抗癌-陪得-日得-日

吳若希晒合照冇菊梓喬份-網民-專登唔影-姐

張建聲成功翻撻前度陳嘉莉-誓言戒媾女-戒偷食

子丹返港表忠心-有國才有家