陳柏宇影寫真唔使除衫

東方日報
陳柏宇

歌手陳柏宇前晚舉行新碟簽名會,講到新碟附送寫真集,首次出寫真集的他笑言不一定要除衫:「我呢本係着衫寫真集,以前細個以為寫真集一定係鹹濕。(睇過?)一定睇過,o靚模嗰啲都係寫真集,但我唔鍾意睇相,鍾意睇片多啲……電影呀,哈哈。(愛情動作片?)唔鍾意愛情片。(淨係動作?)可能懸疑呢,恐怖動作。」

他謂去年一家人到日本影過相集:「本書好精美,淨係做咗一本,喺我哋書架佔一席位,亦係唯一一本喺書架嘅書。」他笑言囡囡愛在電話中睇到自己:「我成日開live時佢鍾意攞住部電話撥撥撥。」