陳柏宇帶病開騷 歌迷嗌回水!

東方日報
Jason有嬌妻送上蛋糕慶生,囡囡伸出手仔想爭食!

歌手陳柏宇(Jason)前晚抱病繼續在深圳巡演,他曾擔心病情影響演出,幸而一切順利,他笑着向觀眾說:「不過對你哋嚟講都冇乜影響,因為你哋已經畀咗錢冇得退,無論我把聲幾爛,你哋都要坐喺度聽!」有觀眾即搞笑大叫「回水」。

演出當晚適逢36歲生日,太太符曉薇專誠帶同囡囡Abigail捧場,Jason再笑說:「大家望我個女呢,又會貴少少(口架)喎,張飛會多廿蚊!」並搞笑叫太太幫忙遮掩囡囡的樣子。他開心可以與粉絲在演唱會共度生日,又叫粉絲完騷後想着「為了慶祝陳柏宇生日」而食蛋糕,當做為他遙距慶祝。