陳柏宇中年發福老婆詐型!

東方日報
陳柏宇日前與老婆去澳洲度假,在小島歎世界。

陳柏宇昨日到電台宣傳新歌《本能寺》,他透露近日留家抗疫,學會了彈結他,「副作用」是大肚腩及巨躉盡現,被老婆投訴:「佢話我係偶像派,要減肥,我就同佢講我係實力派!但啲褲真係唔啱着,大半年冇做Gym,任食唔嬲,搞到中年發福,齋肥肚腩!(荷包都肥埋?)荷包乾身!」為了減肥,他打算再入Gym房,但會做足防疫措施。

此外,他日前與老婆去澳洲再度蜜月,談及荷里活男星湯漢斯在當地確診新冠肺炎,他說:「好彩走咗,當地冇乜人戴口罩,不過我哋去小島,唔高密度。」問有否趁機造人,他抵死笑說:「有都唔話你知!的確係有計劃追多個,老婆鍾意仔,但我想要多個女,女仔嗲人合理啲!」