陳曉華脹咗成個碼 棄減磅護Cup

東方日報
當年參選瘦蜢蜢的陳曉華增肥升Cup,連手臂都粗咗!

應屆港姐冠軍黃嘉雯將代表香港出戰國際中華小姐,昨日出席記者會時獲師姐陳曉華、邵珮詩及同屆港姐王菲、古佩玲等現身打氣。穿低胸背心裙的陳曉華谷胸脹爆登場,揚言滿意現時身形,不會刻意減磅。

黃嘉雯(Carmaney)、陳曉華(Hera)、邵珮詩、王菲、古佩玲與陳熙蕊等昨日出席《2020國際中華小姐競選》記者會,代表出戰華姐的Carmaney獲同屆港姐送上綠茶香薰、啞鈴及眼罩以示支持。

Carmaney笑言心情雖然緊張,但仍有信心,寄望能獲得好成績。正苦練才藝表演的她,透露屆時會跳舞。提到武漢肺炎肆虐,可知參賽者中有否當地代表?她表示只知有一位內地佳麗,但自言身體夠健康,故不擔心有問題。她又表示剛完成寵物美容課程,因有意養狗,故特別抽空進修:「我個屋苑唔畀養,屋企人又唔係咁鍾意狗,所以之後可能搬屋囉!」

被改花名「大隻佬」

現場所見,Hera明顯增磅不少,連帶上圍升Cup,她尷尬地說:「有肉地好睇啲!我冇特別磅重咗幾多,又冇節食,可能開始長大,新陳代謝慢咗。(覺得好睇啲?)着晚裝可以瘦啲嘅,但平時就撐得起件衫。(升Cup喎!)真係?咁都想嘗試吓唔同類型嘅衫,試吓性感啲!」以往身形單薄,如今成功增磅,Hera表示會保持目前體形,不會刻意減磅:「依家畀劇組叫我『大隻佬』,不過我都唔介意,肌肉型一啲嘛!」

陳曉華
陳熙蕊(右起)、古佩玲與王菲各自準備禮物,為黃嘉雯(左二)選華姐打氣。
邵珮詩Tube Dress露肩,可惜輸少少「峰」頭。
黃嘉雯學習寵物美容,隨時轉得行!