陳曉華由內紅到外 十三么開年

東方日報
陳曉華最愛開枱。

港姐陳曉華(Hera)與鄧卓殷等同屆姊妹相約食開年飯,Hera自爆新春最愛開枱,更「婆仔」上身着到紅噹噹,決心大殺三方!有劇拍的她與鄧卓殷皆揚言要專注事業,不恨姻緣運。

2018年港姐冠軍陳曉華、亞軍鄧卓殷及季軍丁子田,相約同屆的李明芙、李芷晴和陳靜堯食開年飯,互祝新一年事事順利、福星高照!談及過年回憶,Hera自爆最愛麻雀Gathering,並自誇雀技不俗:「最近我一家贏三家,食咗鋪十三么!我搽咗紅唇膏即刻係咁贏,下次都要由內紅到外!」細細粒的鄧卓殷難忘兒時行花市騎在父親肩膊上,一嘗人生最高滋味,笑言下次要找Hera讓她騎。

外地過年大豐收

外國氣氛又如何?在美國長大的丁子田直言不及香港濃厚,幸而親戚派利是不會手軟:「細個唔明點解冇做啲咩突然有錢收,幾蚊幾蚊美金加埋好多(口架)!」而在英國長大的李明芙表示唐人街有舞龍舞獅,她亦表演了10年中國舞。至於陳靜堯兒時在新西蘭,當地甚少華人,連假期也沒有:「舊年第一年喺香港過,收到好多利是!同埋我兜咗幾年桃花都未行桃花運,我會繼續堅持。」李芷晴則試過為花車巡遊表演中國舞:「父母好興奮咁捕住個電視,睇得好開心!」

學粗魯唔急拍拖

談及新年展望,Hera搞笑表示要戒零食及消夜:「過咗某個年齡,新陳代謝慢咗,要開始減喇!最近拍第二套劇,角色有啲粗魯,要揣摩吓。(姻緣運呢?)如果有100分幸運,我會畀晒事業先,今年唔拍拖住。」與無綫藝人郭子豪傳緋聞的鄧卓殷,亦指感情方面不着急,想遠離爛桃花!至於李明芙從未拍拖,身邊姊妹即踴躍做紅娘。

丁子田則在外國收美金利是,齊齊發新年財。
同屆港姐李明芙(左起)、鄧卓殷、陳曉華、丁子田、陳靜堯與李芷晴,柴娃娃食開年飯!