陳智燊唔諗追女怕失望

東方日報
陳智燊好鍾意女,但又怕追唔到會失望!

「廿四孝爸爸」陳智燊享受家庭樂,年輕時已經諗定結婚生仔,現育有一子的他不敢奢望追女,怕希望愈大失望愈大,他覺得一個家庭如擁有很多孩子,美滿又幸福。

藝人陳智燊(Jason)跟太太宋熙年(Sarah)育有一歲大囝囝Damon,曾經講過想做多仔公的他,最近為東網巨星節目「海馬牌床褥特約」《閨蜜睡房之Brother來了》擔任新一集嘉賓,一連三集與主持李文珊(Sherman)分享其家庭樂。他自嘲小時候有戇居的想法:「我覺得25歲結婚,有4個小朋友就好美滿!」不過當他25歲時,連女朋友都未有,就打消了這個念頭。

分配時間陪囝囝

Jason的兒子好乖又易湊,但直認生四個有難度,況且生BB不是他一個人話事,不會特別恨追女:「如果諗得太多,希望第二個係女,當唔係嘅時候就會好唔開心,所以我會順其自然,仔女我都咁錫!」家庭、事業對他來說同樣重要,希望可以平衡得到,而他每日會分配時間陪伴兒子。

再度練琴好吃力

將參演舞台劇的Jason,飾演音樂家,既要彈琴又要唱歌,原來30年前他考過一級鋼琴,成績合格,他說:「兩個月前我開始練番,但好吃力。」最近他簽約邵氏,未來日子希望在電影方面發展,更期望與古天樂、張家輝、吳鎮宇等影帝合作。想知道更多Jason的私密習慣,記得本星期五、六、日收睇《閨蜜睡房》!

陳智燊向主持李文珊分享家庭樂。