陳明憙挑戰濕身拍MV兼高難度「倒轉唱」:聽講會聽到啲恐怖訊息

陳明憙挑戰濕身拍MV兼高難度「倒轉唱」:聽講會聽到啲恐怖訊息

陳明憙(Jocelyn)繼早前攀山越嶺到五大絕景拍攝新歌MV《遊樂》,搞到迷路兼小腿受傷後,今次再為第二首派台作《天使禁獵區》拍MV:「上次拍《遊樂》MV,由構思、導演甚至做埋導遊安排行程,通通一腳踢自己搞掂,雖然好辛苦,但過程中真係學到好多嘢,到今次拍《天使禁獵區》,我希望做番歌手身份,等導演幫我決定成個拍攝idea。」

Jocelyn首張全新概念專輯《天使禁獵區》早前已經推出,拍主題歌曲《天使禁獵區》的MV以為在錄影廠拍攝可以「佗佗佻佻」,誰知導演的要求,卻通通考起Jocelyn:「首先係要我對住鏡頭寫字,聽落好似冇難度,但其實我係要反轉個字寫,觀眾先會睇到、估到係一個咩字。」埋位前Jocelyn不斷練習,希望大家睇MV時能夠估到這個「秘密」。

過完一關,導演將難度升級,今次要倒轉唱歌,同時還要濕身淋雨:「因為想表達逆轉時間嘅感覺,導演會用一個倒鏡嘅手法拍攝,啲雨會由地面升上嚟,而我就要倒轉啲歌詞唱。」雖然只需做口型,不用真唱,但Jocelyn聽著短短兩句歌詞,幾乎崩潰,她說:「估唔到調番轉嚟聽,感覺會咁奇怪,我曾經聽人講,將首歌調番轉嚟聽,會聽到啲恐怖訊息。」

正式埋位時已經是凌晨,一邊淋雨、一邊倒轉唱的Jocelyn沒半句怨言,反而是導演一直擔心Jocelyn辛苦,不斷跟她說唔好意思,Jocelyn說:「其實拍MV嗰個禮拜,一直忙緊新專輯嘅工作,拍MV嗰朝早我先坐飛機由北京返香港,成個禮拜,加埋瞓得八個鐘左右,但每次投入工作,都會唔識攰,正如今張概念專輯,入面七首新歌,自己全都有份作曲,有時寧願犧牲自己休息時間,將最好嘅音樂帶畀每一位歌迷。」

點擊瀏覽《香港01》更多內容和圖集

你可能感興趣:
【多圖】洛兒泰國度假再騷「必殺戰衣」 網民激讚:呢件好激動!
為囡囡改名「芯悅」 周柏豪:每天也會唱歌給你和媽媽聽!