陳慧琳Sing援鄧建明望如期會歌迷

東方日報
陳慧琳是演唱會的嘉賓。

太極樂隊成員鄧建明(Joey Tang)相隔10載,將於11月20日假Star Hall再開「單飛」演唱會,撞正社會氣氛動盪不安,他仍堅持信念,日前接受專訪時表示希望如期開騷:「依家日日專心練結他同記歌詞!(擔心社會狀況影響個唱?)都擔心o架,盡力做好自己本分啦,每日同主辦商Keep住溝通,呢分鐘個騷仍然如期舉行嘅。」昨日他本來與嘉賓雷有輝及Kevin Boy為演唱會綵排,因考慮到交通情況而取消。

預多啲時間Solo

為吸引歌迷入場,Joey用不同方法賣飛,為答謝支持他多年的忠粉,大搞簽名會,一於開騷前和歌迷來一次「熱身操」:「幾年前日本樂隊安全地帶,試過開騷前開一個快閃騷,我都試吓。」據知演唱會嘉賓陣容強勁,包括天后陳慧琳、李克勤、側田及蘇永康,他保證說:「點都會預多啲時間自己Solo。」

身為香港頂尖結他手之一,結他是他半個靈魂,他直認十年前一支結他到尾,今次卻大不同:「我師傅話齋要似賽車手咁,試唔同嘅車,所以今次彈兩首就換一支!」Joey覺得同結他要講緣分:「十年前有朋友借出一支我偶像Gary Moore嘅結他畀我開騷,支結他價值十幾萬,好似會教我講嘢咁,唔係誇呀,我合埋眼一邊彈就好似聽緊結他同我講嘢咁。」

場地:BALL ROOM

鄧建明要同結他「講嘢」。
鄧建明為個唱勤加操練,還決定會預更多時間畀自己Solo。