陳庭欣幫手搵雀惹是非

陳庭欣、翟威廉「打枕頭交」。

【東方日報專訊】藝人陳庭欣(Toby)昨與緋聞男友翟威廉在活動中被安排「打枕頭交」谷劇,本報收到讀者報料指Toby於網上發表「尋找鸚鵡」啟事,引來是是非非,Toby回應說:「我喺屯門拍嘢,喺間餐廳見到隻鸚鵡,餐廳啲人話隻鸚鵡係喺附近搵到。我哋養開鸚鵡嘅雀友遇到呢種情況,會透過網絡互相通知,睇吓有冇人唔見咗鸚鵡。」

Toby續說:「但個post出咗後,有人話我做得啱,有人話我公開咗人哋私隱,我覺得網絡言論好難控制,之後有人聯絡我話喺嗰頭唔見咗隻鸚鵡,佢描述嘅資料基本脗合,但佢講鸚鵡腳環號碼就有少少出入,冇辦法成功認領番,我喺度呼籲,如果唔見咗鸚鵡,或者知道有人唔見咗鸚鵡,可以留意番!」