陳山聰貪靚晒巨臂老婆遮肚

東方日報
陳山聰與女友到法國影婚照,充滿浪漫唯美感!

藝人陳山聰與「準太太」Apple早前遠赴法國拍攝婚紗相,男的露麒麟臂,女的輕摸小腹,期待做父母的兩人,流露無限的幸福與快樂。

陳山聰將於11月1日迎娶拍拖五年多的女友Apple,兩人早前特別飛到法國拍攝婚照,以多個造型上陣,包括Chok晒臂,女友則不時遮肚,山聰說:「其實拍拖呢五年入面,我都冇為太太做過啲咩浪漫嘅事,依家終於要結婚喇,所以好想帶佢去一個好浪漫嘅地方影相補數,畀佢有個美好回憶。法國係一個我相信大部分女仔都會鍾意嘅地方,加上太太未去過,所以就想同佢喺度影一輯靚靚婚紗相,成為我同佢一個最美好同難忘嘅回憶。」

蘇永康幫拖 買型爆禮服

今次一對新人影婚照,山聰笑言多得不少兄弟姊妹幫忙,能夠以最有限的預算,做到最佳、最滿意的效果:「攝影師Frankie係幫袁偉豪影寫真嘅攝影師,亦係我哋嘅好朋友。化妝師同髮型師都係一向合作開嘅兄弟班,服裝方面,婚紗係Kev設計,連裙上面嘅喱士都係由法國運返嚟做。大家都知我係貪靚鬼,我套禮服係買嘅,好彩有蘇永康先生同佢太太仗義幫忙,先得到呢套好有型嘅禮服。」

問到婚禮的預算?山聰說:「呢個美好回憶係唔可以用錢去衡量,只要係能力範圍內做到,一定要令太太開心。」又透露11月1日的婚禮以簡單形式進行,最重要是家人與最好的朋友在場分享喜悅。

陳山聰晒麒麟臂,成為整張相的焦點。
婚照點少得錫錫!