陳山聰後巷驚魂天降死老鼠

東方日報
陳山聰講起靈異事,令人心寒!

藝人陳山聰昨日出席劇集宣傳活動時,大爆拍攝期間曾發生靈異事,鬼影幢幢,嚇得他冇膽睇Playback。對於曾被拍檔李施嬅戲言攞視帝便結婚,如今未「升呢」已宣布婚事,山聰直言即使冇視帝名銜也沒問題。

陳山聰、李施嬅、高海寧、張曦雯、譚凱琪、趙希洛等昨日出席無綫劇集《金宵大廈》宣傳,首擔「男一」的山聰,興奮表示拍攝該劇令他克服了對貓的恐懼,不過卻有另一件事讓他大叫怕怕,雖僅是發生於工作人員身上,但足以令他毛管戙。

山聰指劇中有場戲於入夜的後巷拍攝,沒料卻有靈異事發生,他說:「助導Set完機行番出去,架車無啦啦爆胎,冇耐仲落雨,到拍完返去收機,就見到個白影同埋『嘭』一聲,有隻死老鼠跌落嚟,我唔敢睇Playback啦!」

施嬅則澄清該劇圍繞奇幻、浪漫及激情,並非恐怖故事,更指該劇為山聰首套擔正「男一」,曾建議若對方憑該劇攞視帝便要結婚慶祝,沒料如今婚期已定。山聰聞言說:「唔使攞都OK。(公司唔畀呢?)10年後先攞都唔定呢,其實今次再同施嬅合作好開心,希望佢今年可以攞視后!」

譚凱琪唔信性交轉運

而譚凱琪於劇中演出的單元關於性交轉運,她透露角色非常進取,當獲悉與前男友陸永性交後便可嫁個有錢人,隨即「翻兜」對方,當中更有床上戲:「場戲只係對白大膽,件事唔尷尬嘅,都係搞笑,不過陸永拍之前有同老婆備案。(信性交可以轉運?)梗係唔信,我好精明,細細個已經睇好多呢啲新聞,真係有用,學精咗!」

李施嬅表示劇集充滿奇幻、浪漫及激情。
譚凱琪拍床戲冇尷尬,因為只是對白大膽。