陳展鵬誓令單文柔冧一世

東方日報
陳展鵬與單文柔明天正式拉埋天窗,可喜可賀!


藝人陳展鵬與單文柔(Phoebe)明天在港舉行婚宴,日前專誠請來攝影團隊為他們拍攝一輯傳統裙褂婚照。縱使婚宴一切從簡,但準新娘Phoebe各方面都花盡心思,還忙到失聲。明天不設玩新郎環節,Phoebe拋「冧」句說:「我唔忍心佢畀人玩。」展鵬亦承諾:「我會用我嘅方法令佢一世難忘。」


無綫藝人陳展鵬與拍拖兩年的單文柔突然宣布結婚,早前已於英國拍下「閃爆」恩愛求婚的婚紗相,雖然一直對婚事隻字不提,但認識展鵬的朋友,都知道他是有計劃和踏實的人,拍拖以來一直視Phoebe為終身伴侶。一對準新人除要出席公開活動外,更忙於籌備明天在香港四季酒店舉行的婚宴,日前更專誠從廈門請來專業攝影團隊,拍攝中式結婚禮服及裙褂照,多輯相片及裙褂都很有特色,拍攝過程亦相當溫馨及順利。


雙倍還愛 畢生難忘


Phoebe接受專訪時說:「我覺得輯相好Sweet、好溫馨,影出嚟大家都好開心,自己好鍾意啲裙褂同埋頭飾,因為我未試過拍古裝,所以感覺好得意、好靚,每一樣嘢都好有意思!」而展鵬坦言只要未來太太鍾意,自己都會鍾意。明天的婚宴只邀請親友及長輩見證,屆時一對新人即場進行簡單而隆重的簽字儀式,據知不會設玩新郎環節,問及此事,Phoebe竟說:「係呀、係呀!我會用其他嘢代替,我唔忍心佢畀人玩!」果然冧到爆!問到展鵬如何回應未來老婆錫到燶?他說:「佢咁錫我,我當然會兩倍送畀佢啦!我會用我嘅方法,令佢一世難忘。」


盡善盡美 忙到失聲


另外,日前一對好姊妹劉穎鏇及魏韵芝給Phoebe意外驚喜,為她搞婚前派對,忙到聲沙沙的Phoebe說:「我失聲呀,依家已經好咗,呢排真係好忙,喺婚宴場地布置及賓客回禮方面,我都落咗好多心思,希望到時有啲特別啲嘅嘢送畀賓客,因為太多嘢想做好啲,反而變得複雜咗,原先都冇時間搞婚前派對,不過佢哋都好好,自己預備畀我,我事前真係唔知,佢哋話約我食飯,我當時仲着到好Hea咁出去,但佢哋就悉心打扮,仲準備咗蛋糕同花,真係好多謝佢哋。」談到出嫁在即可有心情緊張,她笑說:「暫時都未,不過我哋錄咗啲片喺婚宴時播,睇番都已經好感動。」



未拍過古裝戲的單文柔,大讚裙褂及頭飾有意思。
準陳太錫住老公,講到出口唔忍心展鵬被玩。

 

是日精選

傳星爺搵王寶強急拍-喜劇之王2-賀歲-戲迷-別毀了經典

姜濤anson-kong獲力捧拍兩劇-陳秀雯開工最怕有代溝
胡鴻鈞入行呃飯食畀女請吔蕉

飛台工作住王子屋企-stephy預告與男友-同居-慶生

大方恭喜郭富城追到慈菇椗-熊黛林順其自然追b仔

苟芸慧童話婚宴邀關心妍獻sing回禮
高鈞賢北上掘金錫身-女友口講安心又要監場
內地劇預告見街-丁蟹-累港股急瀉

胡定欣避陳煒辭演-法證iv
跳躍生命線-被揭四大漏洞位-救護群組網民睇唔過眼