陳展鵬情陷三角戀 最終揀得啱!

東方日報
陳展鵬與林夏薇

藝人陳展鵬與林夏薇前晚於西環為新劇拍攝談情戲,薇薇預告稍後有床戲及咀戲,但毋須向老公備案。劇中大玩三角戀的展鵬,不諱言現實中也曾經歷過,但不願透露細節,只笑指最終與最適合自己的人共諧連理。

陳展鵬與林夏薇前晚為無綫劇集《逆天奇案》開工,拍攝一場甜蜜拍拖戲,二人於鬧市手拖手閒逛,吸引不少街坊圍觀,期間更不斷以手機拍攝,二人沒有抗拒,還不時向街坊微笑,只是要穿上冬天戲服,令薇薇熱到不停流汗。

雖然流住汗開工,但薇薇照單全收,並說:「實在好耐冇拍外景嘅談情戲,心情好興奮。(之後同展鵬有冇更親密嘅場口?)都有床戲同咀,但全部都喺廠拍,交代我哋好甜嘅感情世界。(已婚之人拍親密戲尷尬?)又冇避忌喎!因為事前有良好嘅溝通,劇中要協助展鵬查案,暫時未有動作戲,但都有操定體能,以備不時之需。」她又指與黎燕珊是繼《十二傳說》後再合作,劇中飾演其女兒,相當期待。

夥拍馮盈盈唔覺嘈

而展鵬則透露劇中與馮盈盈及薇薇譜三角戀,對於兩位拍檔出名嘈吵,問他開工時可有聽覺受損?他笑說:「又唔係喎,佢哋喺我面前好靜嘅!入面同盈盈嘅感情戲淡啲,係另類嘅三角戀。(現實生活有冇試過?)梗係有,讀書嗰陣有好多呢啲,但呢啲下次再傾!(最終點揀先?)冇嘅,最終揀咗最適合嗰個結婚囉!」

陳展鵬與林夏薇劇中有感情線,摸面等親密互動自然少不了。