陳寶華勸唔掂:交畀觀眾投票去留

東方日報
《多功能老婆》勢開續集,相信未必能原裝班底合作。

去年《多功能老婆》播出後反應甚佳,說到開續集,劇集總監製陳寶華稱要等公司安排,但問到有關朱朱與Tony因不和而無望合作,變相續集肯定會有人出局,至於會犧牲哪一個?陳寶華笑說:「我都有同佢兩個傾過呢件事,我話你哋搞到咁樣,如果開續集咁點呢?可能要交畀觀眾投票決定!」又坦言兩個演員都錫:「佢哋都好投入,見佢哋演得咁煙韌,之後又冇人同我投訴,咪以為冇事……其實佢兩個演出,大家好鍾意睇,如果因為咁而有心病係好可惜。我有叫佢哋唔好放上心,女嘅可能唔識講說話,男嘅咁樣畀人話又唔開心,所以我都有鼓勵Tony,我叫佢當得啖笑!」

至於劇中演朱晨麗媽媽的黎燕珊,有可能因劇情改寫而影響演出,她昨日回應指:「演員係被動嘅,角色後續就交番畀公司決定啦!(知道朱朱同Tony唔咬弦到唔可以合作?)其實好小事啫!但就不便畀意見。」