陳家樂床戰加料 拉低湯怡褲頭!

東方日報
陳家樂與湯怡向來老友,今次要挑戰演情侶。

藝人陳家樂與老友湯怡在新片演情侶,當中更有一場甜蜜床戲。湯怡踢爆家樂拍攝時「加料」拉低其短褲,家樂卻毫無印象,嚇得面紅紅澄清是導演要求!他反指拍咀戲時被湯怡投訴錫得唔舒服,結果愈拍愈尷尬!

陳家樂與湯怡在英皇電影《死因無可疑》首度合演情侶,湯怡慶幸床戲對手是家樂,令她很放心:「識咗咁耐有一定信任,比較安心啲,唔熟嘅人會有啲避忌,反而對住佢就覺得,你想點就點啦!拍嗰時冇設計任何動作,但有人拉低我條褲囉!」家樂聞言立即面都紅晒:「係咩?我有咁投入咩?我諗唔起,唔係一早已經拉低咗?係導演要求(o架)!唔係我點敢拉低你條褲?」

完事要賽後檢討

湯怡繼續狙擊:「係咩?我唔記得咗啦!好在當時感覺又唔係露半個(臀部),少少都可以接受,因為係佢囉!第一次拍呢類戲,好有挑戰,好在家樂帶領住我。」不過家樂卻似乎不太享受拍攝過程,笑說:「愈做愈尷尬,開頭好放鬆,跟住佢又話我啲鬚拮住佢,咪要就住囉!同熟人拍呢啲戲會賽後檢討,會話你錫得佢唔舒服。」

除了床戲外,家樂亦不乏精神崩潰的獨腳戲,而他當時有幾部電影同時開工,高峰期試過連踩60多小時,令他非常疲累:「有次拍完剩番兩個鐘再拍另一套戲,我就留喺張道具床度瞓,點知瞓咗廿分鐘就畀啲蚤咬醒,又沖唔到涼,咪坐喺度由得佢咬夠囉!又試過聽聽吓對手講對白瞓着咗,真係唔好意思!」

床戲對手是家樂,湯怡反而更自在。
聽到湯怡投訴,家樂竟然扮失憶!