陳家樂半年執300萬 睇中千五萬筍盤上車

東方日報
陳家樂孖父親現身地產公司,起勢密斟研究樓盤。


英皇藝人陳家樂月前主演電視劇成功入屋,片約不斷,更成為品牌新寵,難怪有意「首置」上車做業主。日前他被拍得偕同父親四出搵筍盤,似乎「成功在望」﹗獲公司力捧的他再獲導演林超賢睇中,夥拍彭于晏演出投資額達6億人民幣的大片。


10月12日將32歲生日的家樂,因拍無綫劇《逆緣》而人氣急升,入行15年終於遇上事業春天,近半年來電影、劇集工作主動敲門外,更不時獲邀出席品牌活動及代言,身價「幾級跳」豬籠入水。英皇方面亦有感家樂勤力又聽話,已下令予以力捧,望他能繼謝霆鋒及陳偉霆後,穩佔影壇小生一席位。


家有喜事急換樓


出名孝順的家樂回復單身後,一直努力照顧家人及寄情工作。慳家的他一直想買樓當業主,加上妹妹年底出閣後未有打算搬出,家樂眼見經濟條件穩定,近日四出「搵筍盤」望改善家人居住環境。日前下午他被發現偕同父親現身馬鞍山一間地產公司門外,兩父子視察附近環境兼密密斟,未幾即會合一名女經紀徒步到附近屋苑睇樓。


據悉,陳家一直於馬鞍山區扎根,故家樂亦不希望搬離該區。睇樓當日他睇中一個向海的低層單位,雖然私隱度不足,但單位間格實用開揚,陳父睇樓期間不斷點頭,兩父子更一度走出客廳露台研究,似乎相當滿意。其後家樂與爸爸再往附近茶餐廳撐枱腳,見二人不停計數,似乎想盡快回覆地產經紀。


事後記者於地產網發現該單位放售,建築面積約千呎,叫價約1,500萬元,不過觀乎家樂過去半年收入,保守估計約有300萬,買樓及供樓應該不成問題!


林超賢大讚鬥心強


目前家樂同時拍電影及電視劇,雖然休息時間少,但相當捱得。有指他繼年前的《破風》後,再獲林超賢睇中,將夥拍男神彭于晏演出製作費逾6億人民幣的大片《緊急救援》(暫名),其他演員尚有《紅海行動》的「大隻佬」王彥霖及《如懿傳》的「嘉貴妃」辛芷蕾等。該片下月正式開鏡,先到廈門、廣西等地取景,農曆新年前後再移師墨西哥拍攝海底及爆破等場面。戲中家樂需潛水救人,不諳水性的他已密鑼緊鼓跟教練練水,林導大讚他說:「家樂同《破》片時比較,成熟咗、鬥心強咗,我睇好佢,不過開工後一定唔會錫住佢!」




女經紀帶家樂父子在馬鞍山四出睇樓。
兩父子睇中一個千呎的低層單位,更走出露台欣賞景色。
雖然身價「幾級跳」,但家樂非常慳家擦茶餐。
家樂憑《逆緣》一劇成功入屋。

 

是日精選

莊思明收死亡恐嚇

只想用廣東話拍劇-係咪台慶劇無所謂-張衛健唔知-大帥哥-幾時播

甩拖江美儀驚爆有情緒病

陳凱琳出盡力拜金禁老公搶鏡

單文柔婚前派對變公主

56億全捐出-周潤發-月花3千2-nokia手機用17年才換

網民-靚仔過劉德華-今次真係無陰謀-鄭子誠化身-生態情人

王菲帶孻女遊香港掃名牌-李嫣豪花10萬網上炫富